Кресто-Воздвиженский храм г. Винницы | Школа – сад Св. Николая

Благоверный Димитрий Угличский и Московский, царевич

Благоверный Димитрий Угличский и Московский, царевич

Благоверный Димитрий Угличский и Московский, царевич

ДНИ ПАМЯТИ:

4 сентября  (переходящая) – Собор Московских святых

28 мая

5 июня – Собор Ростово-Ярославских святых

16 июня – Перенесение мощей

ЖИТИЕ

КРАТКОЕ ЖИТИЕ БЛАГОВЕРНОГО ЦАРЕВИЧА ДИМИТРИЯ, УГЛИЧСКОГО И МОСКОВСКОГО

Свя­той бла­го­вер­ный ца­ре­вич Ди­мит­рий Уг­лич­ский (Мос­ков­ский) ро­дил­ся 19 ок­тяб­ря 1582 г. Он был сы­ном ца­ря Иоан­на Гроз­но­го. В цар­ство­ва­ние Фе­о­до­ра Иоан­но­ви­ча, ко­гда фак­ти­че­ски пра­ви­те­лем Рус­ско­го го­су­дар­ства был его шу­рин – вла­сто­лю­би­вый бо­ярин Бо­рис Го­ду­нов, ца­ре­вич Ди­мит­рий вме­сте с ма­те­рью, ца­ри­цей Ма­ри­ей Фе­о­до­ров­ной, был уда­лен от дво­ра в г. Уг­лич. Же­лая из­ба­вить­ся от за­кон­но­го на­след­ни­ка рус­ско­го тро­на, Бо­рис Го­ду­нов стал дей­ство­вать про­тив ца­ре­ви­ча как про­тив лич­но­го вра­га. Сна­ча­ла он пы­тал­ся окле­ве­тать юно­го на­след­ни­ка пре­сто­ла, рас­пу­стив лжи­вые слу­хи о его мни­мой неза­кон­ной рож­ден­но­сти. По­том рас­про­стра­нил но­вый вы­мы­сел, что буд­то бы Ди­мит­рий уна­сле­до­вал су­ро­вость го­су­да­ря – от­ца сво­е­го. По­сколь­ку эти дей­ствия не при­нес­ли же­ла­е­мо­го, то ко­вар­ный Бо­рис ре­шил­ся по­гу­бить ца­ре­ви­ча. По­пыт­ка отра­вить Ди­мит­рия не увен­ча­лась успе­хом: смер­то­нос­ное зе­лье не вре­ди­ло от­ро­ку. То­гда зло­деи ре­ши­лись на яв­ное пре­ступ­ле­ние.

В суб­бот­ний день 15 мая 1591 г., ко­да от­рок гу­лял с кор­ми­ли­цей во дво­ре, по­до­слан­ные убий­цы, Осип Волх­вов, Да­ни­ло Би­тя­гов­ский и Ни­ки­та Ка­ча­лов, звер­ски за­ре­за­ли ца­ре­ви­ча.

Ца­ре­вич Ди­мит­рий был по­гре­бен в Уг­ли­че, во двор­цо­вом хра­ме в честь Пре­об­ра­же­ния Гос­под­ня. Мно­же­ство чу­дес и ис­це­ле­ний ста­ло со­вер­шать­ся у его гроб­ни­цы, осо­бен­но ча­сто ис­це­ля­лись боль­ные гла­за­ми. А 3 июля 1606 г. свя­тые мо­щи стра­сто­терп­ца ца­ре­ви­ча Ди­мит­рия бы­ли об­ре­те­ны нетлен­ны­ми.

Пе­ре­не­се­ние свя­тых мо­щей бла­го­вер­но­го ца­ре­ви­ча Ди­мит­рия, уби­то­го 15 мая 1591 го­да, из Уг­ли­ча в Моск­ву со­вер­ши­лось в 1606 го­ду. По­буж­де­ни­ем к это­му бы­ло же­ла­ние, по вы­ра­же­нию ца­ря Ва­си­лия Шуй­ско­го, «уста лжу­щия за­гра­дить и очи неве­ру­ю­щия осле­пить гла­го­лю­щим, яко жи­вый из­бе­же (ца­ре­вич) от убий­ствен­ных дла­ней», вви­ду по­яв­ле­ния са­мо­зван­ца, объ­яв­ляв­ше­го се­бя ис­тин­ным ца­ре­ви­чем Ди­мит­ри­ем. Тор­же­ствен­но бы­ли пе­ре­не­се­ны свя­тые мо­щи и по­ло­же­ны в Ар­хан­гель­ском со­бо­ре Мос­ков­ско­го Крем­ля, «в при­де­ле Иоан­на Пред­те­чи, иде­же отец и бра­тья его». По­сле мно­го­чис­лен­ных чу­дес­ных ис­це­ле­ний от свя­тых мо­щей в том же 1606 го­ду «со­ста­ви­ша празд­не­ство ца­ре­ви­чу Ди­мит­рию три­жды в год – рож­де­ние (19 ок­тяб­ря), уби­е­ние (15 мая), пе­ре­не­се­ние мо­щей к Москве (3 июня)».

ПОЛНОЕ ЖИТИЕ БЛАГОВЕРНОГО ЦАРЕВИЧА ДИМИТРИЯ, УГЛИЧСКОГО И МОСКОВСКОГО

Свя­той бла­го­вер­ный ца­ре­вич Ди­мит­рий, сын ца­ря Иоан­на IV Гроз­но­го от его седь­мо­го бра­ка с Ма­ри­ей Фе­до­ров­ной (из ро­да На­гих), ро­дил­ся 19 ок­тяб­ря 1582 го­да (а по дру­гим ис­точ­ни­кам, 1583 или 1585 гг.) в Москве. Царь Иоанн на­зна­чил в удел ца­ре­ви­чу с его ма­те­рью Уг­лич. По­сле смер­ти Иоан­на Гроз­но­го на пре­стол всту­пил стар­ший брат ца­ре­ви­ча Ди­мит­рия Фе­о­дор Иоан­но­вич. Од­на­ко фак­ти­че­ским пра­ви­те­лем Рус­ско­го го­су­дар­ства был его шу­рин, вла­сто­лю­би­вый бо­ярин Бо­рис Го­ду­нов. Доб­рый Фе­о­дор Иоан­но­вич остал­ся по­чти при од­ном име­ни ца­ря, а все де­ла­лось, как хо­тел Бо­рис; ино­стран­ные дво­ры при­сы­ла­ли Го­ду­но­ву да­ры на­равне с ца­рем. Меж­ду тем Бо­ри­су из­вест­но бы­ло, что в го­су­дар­стве, на­чи­ная с ца­ря Фе­о­до­ра, при­зна­ют Ди­мит­рия на­след­ни­ком пре­сто­ла, и имя его по­ми­на­лось в церк­вях. Сам Бо­рис в раз­ных де­лах Фе­о­до­ро­ва вре­ме­ни при­зна­вал Ди­мит­рия на­след­ни­ком пре­сто­ла.

Ис­ко­ни нена­ви­дя­щий доб­ро в ро­де че­ло­ве­че­ском диа­вол, ви­дя си­рых бра­тьев, ца­ря Фе­о­до­ра и ца­ре­ви­ча Ди­мит­рия, ни о чем зем­ном не ра­де­ю­щих, ибо ни сла­вы ми­ра се­го, ни бо­гатств не же­ла­ли, и, не в си­лах бу­дучи ни в чем их ис­ку­сить, вло­жил в серд­це Бо­ри­са твер­дый по­мысл вос­хи­тить са­мо­дер­жав­ство, чтобы быть вла­сте­ли­ном на Ру­си, ко­гда ис­тре­бит­ся ко­рень цар­ский, не ве­дая то­го, что Бог власть ко­му хо­чет, то­му да­ет. И, тре­во­жимый опа­се­ни­я­ми за свою бу­дущ­ность и обо­льща­е­мый меч­та­ми о вла­сти, Бо­рис Го­ду­нов, при­вык­ший рас­по­ря­жать­ся всем с по­мо­щью са­мо­дер­жав­но­го ца­ря, стал дей­ство­вать про­тив ца­ре­ви­ча, как про­тив лич­но­го вра­га сво­е­го, же­лая из­ба­вить­ся от за­кон­но­го на­след­ни­ка рус­ско­го тро­на.

Для осу­ществ­ле­ния сво­е­го пре­ступ­но­го за­мыс­ла Бо­рис Го­ду­нов ре­шил уда­лить ца­ре­ви­ча от мос­ков­ско­го цар­ско­го дво­ра. Вме­сте с ма­те­рью – вдов­ству­ю­щей ца­ри­цей Ма­ри­ей Фе­о­до­ров­ной и ее род­ствен­ни­ка­ми ца­ре­вич Ди­мит­рий был от­прав­лен в свой удель­ный го­род Уг­лич.

Ста­ра­ясь из­бе­жать опас­но­го кро­во­про­ли­тия, Бо­рис Го­ду­нов пы­тал­ся сна­ча­ла окле­ве­тать юно­го на­след­ни­ка пре­сто­ла, рас­пу­стив через сво­их при­вер­жен­цев лжи­вые слу­хи о мни­мой неза­кон­но­рож­ден­но­сти ца­ре­ви­ча и за­пре­тив по­ми­нать его имя во вре­мя бо­го­слу­же­ний. По­сколь­ку эти дей­ствия не при­нес­ли же­ла­е­мо­го, ко­вар­ный Бо­рис при­бег к рас­про­стра­не­нию но­вых вы­мыс­лов: буд­то бы Ди­мит­рий I с юных лет уже яв­ля­ет в се­бе на­след­ствен­ную су­ро­вость го­су­да­ря, от­ца сво­е­го. Но все это ка­за­лось Бо­ри­су недо­ста­точ­ным; он не мог рас­счи­ты­вать на цар­ский пре­стол, по­ка жив Ди­мит­рий, а по­то­му ре­шил­ся по­гу­бить ца­ре­ви­ча. По­пыт­ка отра­вить юно­го ца­ре­ви­ча с по­мо­щью Ва­си­ли­сы Во­ло­хо­вой, кор­ми­ли­цы Ди­мит­рия Иоан­но­ви­ча, не увен­ча­лось успе­хом: смер­то­нос­ное зе­лье не вре­ди­ло от­ро­ку.

Но ко­гда зло­деи убе­ди­лись, что нель­зя со­вер­шить зло­де­я­ние в тайне, они ре­ши­лись на яв­ное. Через сво­е­го со­общ­ни­ка Ан­дрея Клеш­ни­на Бо­рис отыс­кал зна­ко­мо­го че­ло­ве­ка, дья­ка Ми­ха­и­ла Би­тя­гов­ско­го, взяв­ше­го­ся соб­ствен­но­руч­но умерт­вить ца­ре­ви­ча. И по­слан­ный в Уг­лич со сво­им сы­ном Да­ни­и­лом и пле­мян­ни­ком Ни­ки­той Ка­ча­ло­вым, буд­то бы для управ­ле­ния зем­ски­ми де­ла­ми и хо­зяй­ством вдов­ству­ю­щей ца­ри­цы, Би­тя­гов­ский по­ру­чил Во­ло­хо­вой вы­ве­сти в на­зна­чен­ное вре­мя ца­ре­ви­ча во двор. В суб­бот­ний день 15 мая 1591 го­да утром бо­яры­ня мам­ка Во­ло­хо­ва по­зва­ла Ди­мит­рия гу­лять во двор; кор­ми­ли­ца Ири­на, как бы пред­чув­ствуя, удер­жи­ва­ла ца­ре­ви­ча во двор­це, но мам­ка си­лой вы­ве­ла его из гор­ни­цы в се­ни, к ниж­не­му крыль­цу, где уже бы­ли Осип Во­ло­хов, Да­ни­ло Би­тя­гов­ский и Ни­ки­та Ка­ча­лов. Во­ло­хов, взяв Ди­мит­рия за ру­ку, ска­зал: «Сие у те­бя но­вое оже­ре­лье, го­су­дарь?» Он же, крот­кий аг­нец, под­няв го­ло­ву, ти­хим го­ло­сом от­ве­чал: «Сие есть ста­рое оже­ре­лье». И Во­ло­хов коль­нул его но­жом по шее, но не за­хва­тил гор­та­ни. Кор­ми­ли­ца, ви­дя па­гу­бу сво­е­го го­су­да­ря, па­ла на него и на­ча­ла кри­чать, и убий­ца, бро­сив нож, по­бе­жал, но со­юз­ни­ки его Да­ни­ло Би­тя­гов­ский и Ни­ки­та Ка­ча­лов би­ли кор­ми­ли­цу ед­ва не до смер­ти и, от­няв из рук ее пра­вед­но­го от­ро­ка, до­ре­за­ли и сбро­си­ли его вниз с лест­ни­цы. В это вре­мя вы­шла на крыль­цо ца­ри­ца и, уви­дев ги­бель сы­на сво­е­го, гром­ко ста­ла во­пи­ять над ним. При ви­де это­го страш­но­го зло­де­я­ния по­но­марь со­бор­но­го хра­ма, за­пер­шись на ко­ло­кольне, уда­рил в на­бат, со­зы­вая на­род. Сбе­жав­ши­е­ся со всех кон­цов го­ро­да лю­ди ото­мсти­ли за невин­ную кровь вось­ми­лет­не­го от­ро­ка Ди­мит­рия, са­мо­чин­но рас­пра­вив­шись с же­сто­ки­ми за­го­вор­щи­ка­ми. До­не­се­но бы­ло в Моск­ву об уби­е­нии ца­ре­ви­ча, и сам царь хо­тел от­пра­вить­ся в Уг­лич для ис­сле­до­ва­ния пре­ступ­ле­ния, но Го­ду­нов под раз­ны­ми пред­ло­га­ми удер­жал Фе­о­до­ра Иоан­но­ви­ча в Москве. И через сво­их лю­дей кня­зя В.И. Шуй­ско­го (впо­след­ствии царь), околь­ни­че­го Клеш­ни­на и дья­ка Вы­луз­ги­на, по­слан­ных в Уг­лич для су­деб­но­го раз­би­ра­тель­ства, Бо­рис Го­ду­нов су­мел убе­дить ца­ря в том, что его млад­ший брат яко­бы стра­дал па­ду­чей бо­лез­нью и умер неча­ян­но, упав на нож.

Ца­ри­ца-мать, об­ви­нен­ная в недо­стат­ке над­зо­ра за ца­ре­ви­чем, бы­ла со­сла­на в от­да­лен­ный скуд­ный мо­на­стырь свя­то­го Ни­ко­лая на Во­схе, по ту сто­ро­ну Бе­ло­го озе­ра, и по­стри­же­на в ино­че­ство с име­нем Мар­фы. Бра­тья ее бы­ли со­сла­ны по раз­ным ме­стам в за­то­че­ние; жи­те­ли Уг­ли­ча за са­мо­воль­ную рас­пра­ву с убий­ца­ми од­ни бы­ли каз­не­ны, дру­гие со­сла­ны на по­се­ле­ние в Пе­лым, а мно­гим уре­зы­ва­ли язы­ки.

Ка­за­лось, все за­глу­ше­но или все умер­ло; но глас Бо­жий – глас на­ро­да: воз­ник­ла мол­ва на­род­ная о усоп­шем ца­ре­ви­че, и глу­хой ро­пот, тщет­но по­дав­ля­е­мый, все воз­рас­тал. Несмот­ря на при­го­вор бо­яр­ский и указ ца­рев, ни­кто не ве­рил уг­лич­ско­му ро­зыс­ку кня­зя Шуй­ско­го, хо­тя и укреп­лен­но­му ру­ко­при­клад­ством столь­ких сви­де­те­лей мир­ских и ду­хов­ных. Нель­зя ду­мать, чтобы ве­рил и сам князь Шуй­ский, ко­гда при дру­гих об­сто­я­тель­ствах, уж пят­на­дцать лет спу­стя, увен­чан­ный сам на­след­ствен­ным вен­цом Ди­мит­рия, пи­сал в окруж­ных гра­мо­тах сво­их на­ро­ду, что «за гре­хи все­го хри­сти­ан­ства пра­во­слав­но­го ве­ли­ко­го го­су­да­ря ца­ре­ви­ча Ди­мит­рия Иоан­но­ви­ча не ста­ло, убит же он, как непо­роч­ный аг­нец, в Уг­ли­че». Он пе­ред всей Рос­си­ею сви­де­тель­ство­вал, что «ца­ре­вич Ди­мит­рий Иоан­но­вич, по за­ви­сти Бо­ри­са Го­ду­но­ва, яко ов­ча незлоб­ли­во, за­кла­ся». И пат­ри­арх Иов в гра­мо­те 1606 го­да пи­сал: «При­ят за­кла­ние непо­вин­но от рук из­мен­ни­ков сво­их»; и пат­ри­арх Ер­мо­ген в ска­за­нии об уби­е­нии ца­ре­ви­ча, и мно­гие рос­сий­ские и ино­стран­ные совре­мен­ни­ки – все еди­но­душ­но го­во­ри­ли, что ца­ре­вич убит по тай­но­му при­ка­за­нию Го­ду­но­ва. Ложь, при­кры­ва­ю­щая убийц, ста­ла яв­ной, ко­гда в 1606 го­ду от­кры­ли гроб ца­ре­ви­ча, и то­гда на­шли, что «в ле­вой ру­ке ца­ре­вич дер­жал по­ло­тен­це, ши­тое зо­ло­том, а в дру­гой – оре­хи», в та­ком ви­де его и по­стиг­ла смерть. Ца­ре­вич Ди­мит­рий был по­гре­бен в Уг­ли­че в двор­цо­вом хра­ме в честь Пре­об­ра­же­ния Гос­под­ня.

Но Гос­подь, зря­щий не на ли­ца, а на по­мыс­лы, преж­де да­же неже­ли они со­зре­ют в де­я­ния, про­из­нес уста­ми про­ро­ка Ис­а­ии: Мне от­мще­ние, Аз воз­дам (Рим.12:19). И уста­ми ино­го про­ро­ка: «Что грех от­цев взы­щет на сы­нех до тре­тье­го и чет­вер­то­го ро­да, ми­лость же Его на ты­ся­чи ро­дов» (Исх.20:5-6). Он по­се­тил див­ны­ми судь­ба­ми Сво­и­ми всех, при­част­ных к смер­ти Ди­мит­ри­е­вой. Од­ним име­нем мни­мо вос­крес­ше­го от­ро­ка по­ра­жен сам Бо­рис на пре­сто­ле и все его се­мей­ство. И князь Ва­си­лий Шуй­ский, бли­жай­ший су­дья в смер­ти ца­ре­ви­ча, низ­ло­жив­ший пер­во­го Лже­д­мит­рия, сам низ­ло­жен с пре­сто­ла во вре­мя смут вто­ро­го; и опять тень ца­ре­ви­ча ока­зы­ва­ет­ся силь­нее об­ла­да­ю­ще­го ца­ря: сам он неволь­но по­стри­жен, как бы за неволь­ное по­стри­же­ние ма­те­ри ца­ре­ви­ча и, как бра­тья ее На­гие, тер­пит он с бра­тья­ми сво­и­ми дол­го­лет­ние узы и кон­ча­ет­ся в пле­ну со всем сво­им ро­дом, неко­гда столь мо­гу­щим. Та­ко­вы бы­ли де­ла Бо­жии в лю­дех Сво­их.

Уже в цар­ство­ва­ние Бо­ри­са Го­ду­но­ва у гроб­ни­цы бла­го­вер­но­го ца­ре­ви­ча Ди­мит­рия ста­ли со­вер­шать­ся ис­це­ле­ния боль­ных. 3 июня 1606 го­да, в цар­ство­ва­ние Ва­си­лия Шуй­ско­го, при пат­ри­ар­хе Ер­мо­гене, свя­тые мо­щи стра­сто­терп­ца бы­ли об­ре­те­ны нетлен­ны­ми и пе­ре­не­се­ны в со­бор во имя Ар­хи­стра­ти­га Ми­ха­и­ла в Москве мит­ро­по­ли­том Ро­стов­ским и Яро­слав­ским Фила­ре­том, от­цом бу­ду­ще­го ца­ря Ми­ха­и­ла Фе­о­до­ро­ви­ча Ро­ма­но­ва.

По­буж­де­ни­ем к это­му бы­ло же­ла­ние, по вы­ра­же­нию ца­ря Ва­си­лия Шуй­ско­го, «уста лжу­щия за­гра­дить и очи неве­ру­ю­щия осле­пить гла­го­лю­щим, яко жи­вый из­бе­же (ца­ре­вич) от убий­ствен­ных дла­ней», вви­ду по­яв­ле­ния са­мо­зван­ца, объя­вив­ше­го се­бя ис­тин­ным ца­ре­ви­чем Ди­мит­ри­ем. Тор­же­ствен­но бы­ли пе­ре­не­се­ны свя­тые мо­щи и по­ло­же­ны в Ар­хан­гель­ском со­бо­ре Мос­ков­ско­го Крем­ля, «в при­де­ле Иоан­на Пред­те­чи, иде­же отец и бра­тия его». По­сле мно­го­чис­лен­ных чу­дес­ных ис­це­ле­ний от свя­тых мо­щей в том же 1606 го­ду «со­ста­ви­ша празд­не­ство ца­ре­ви­чу Ди­мит­рию три­жды в год – рож­де­ние (19 ок­тяб­ря/1 но­яб­ря), уби­е­ние (15/28 мая), пе­ре­не­се­ние мо­щей к Москве (3/16 июня)». Рус­ская Цер­ковь бла­го­го­вей­но чтит па­мять св. ца­ре­ви­ча Ди­мит­рия. Го­род Уг­лич, по­чи­та­ю­щий свя­то­го ца­ре­ви­ча Ди­мит­рия сво­им осо­бым небес­ном по­кро­ви­те­лем, к этим дням при­со­еди­ня­ет еще 16 мая. В этот день г. Уг­лич со­вер­ша­ет так на­зы­ва­е­мую «празд­не­ство пла­ща­ни­це св. ца­ре­ви­ча». Пла­ща­ни­ца (пе­ле­на) с изо­бра­же­ни­ем св. ца­ре­ви­ча Ди­мит­рия бы­ла вы­ши­та его ма­те­рию на про­слав­лен­ные его мо­щи и одр, на ко­то­ром они бы­ли несе­ны из Уг­ли­ча в Моск­ву. Эта пла­ща­ни­ца, а так­же об­раз свя­то­го ца­ре­ви­ча, «на дос­ке пи­сан­ный», бы­ли при­сла­ны из Моск­вы в Уг­лич (ве­ро­ят­но, пат­ри­ар­хом Ер­мо­ге­ном). Впо­след­ствии «умыс­ли чин ду­хов­ный и граж­дане, да уста­но­вят празд­не­ство пла­ща­ни­цы сей ме­ся­ца мая в 16 день, но­си­те во­круг двор­ца его и мла­ден­цы под­но­си­те, яко же и ца­ре­вич имел семь лет с по­ло­ви­ною, ис­прав­ляя сие и до ра­зо­ре­ния Уг­ли­ча от Лит­вы». Празд­ник этот от­ли­ча­ет­ся глу­бо­ко уми­ли­тель­ной тор­же­ствен­но­стью. В этот день по­сле ли­тур­гии во­круг «ца­ре­ви­че­ва двор­ца» с тор­же­ствен­ным крест­ным хо­дом об­но­си­лись при пе­нии тро­па­ря ца­ре­ви­чу пла­ща­ни­ца и одр, на ко­то­ром свя­тые мо­щи ца­ре­ви­ча бы­ли несе­ны из Уг­ли­ча в Моск­ву. Под пла­ща­ни­цу и одр уг­лич­ские граж­дане все – без раз­ли­чия зва­ний и со­сто­я­ний – по­чи­та­ли непре­мен­но сво­ей обя­зан­но­стью под­ве­сти или под­не­сти сво­их де­тей, на­чи­ная с груд­ных и до 8-лет­не­го воз­рас­та. Глу­бо­кая ве­ра, что зло­дей­ская ру­ка уби­ла толь­ко те­ло свя­то­го ца­ре­ви­ча, а свя­тая ду­ша пред­сто­ит пре­сто­лу сла­вы Ца­ря Небес­но­го, пре­вра­щая день за­кла­ния – этот неко­гда ужас­ней­ший день – в свет­ло-ра­дост­ный празд­ник – в «ца­ре­ви­чев день»! День уби­е­ния свя­то­го ца­ре­ви­ча есть день его небес­ной ра­до­сти, и свою небес­ную ра­дость он со­об­ща­ет де­тям, при­шед­шим на его празд­ник.

Свя­ти­тель Ди­мит­рий Ро­стов­ский со­ста­вил жи­тие и опи­са­ние чу­дес­ных ис­це­ле­ний по мо­лит­вам свя­то­го ца­ре­ви­ча Ди­мит­рия, из ко­то­ро­го вид­но, что осо­бен­но ча­сто ис­це­ля­лись боль­ные гла­за­ми.

В Уг­ли­че на ме­сте уби­е­ния свя­то­го ца­ре­ви­ча Ди­мит­рия был по­стро­ен храм его име­ни, ко­то­рый в на­ро­де по­лу­чил на­зва­ние «цер­ковь ца­ре­ви­ча Ди­мит­рия на кро­ви». В этом хра­ме хра­ни­лось ру­ко­пис­ное жи­тие бла­го­вер­но­го ца­ре­ви­ча, на­пи­сан­ное свя­ти­те­лем Ди­мит­ри­ем, мит­ро­по­ли­том Ро­стов­ским.

Во вре­мя Оте­че­ствен­ной вой­ны 1812 го­да свя­тые мо­щи бла­го­вер­но­го ца­ре­ви­ча Ди­мит­рия бы­ли спа­се­ны от по­ру­га­ния свя­щен­ни­ком мос­ков­ско­го Воз­не­сен­ско­го жен­ско­го мо­на­сты­ря Иоан­ном Ве­ни­а­ми­но­вым, ко­то­рый вы­нес их под сво­ей одеж­дой из Ар­хан­гель­ско­го со­бо­ра и спря­тал в ал­та­ре, на хо­рах вто­ро­го яру­са со­бор­но­го хра­ма в Воз­не­сен­ском мо­на­сты­ре. По­сле из­гна­ния фран­цу­зов свя­тые мо­щи бы­ли тор­же­ствен­но пе­ре­не­се­ны на преж­нее ме­сто – в Ар­хан­гель­ский со­бор.

В «Ико­но­пис­ном под­лин­ни­ке» под 15 мая ска­за­но: «По­до­би­ем млад от­рок в вен­це цар­ском и баг­ря­ни­це, ру­ки мо­леб­ные; уби­ен бысть на Уг­ли­че по­ве­ле­ни­ем Бо­ри­са Го­ду­но­ва».

МОЛИТВЫ

Тропарь благоверного царевича Димитрия

глас 4

Царскую диадиму обагрил еси кровию твоею,/ Богомудре мучениче,/ за скиптр Крест в руку приим,/ явился еси победоносец/ и жертву непорочну Владыце принесл еси себе:/ яко бо агнец незлобив, от раба заколен еси./ И ныне, радуяся, предстоиши Святей Троице,/ молися о державе сродников твоих богоугодней быти/ и сыновом российским спастися.

Тропарь благоверного царевича Димитрия

глас 3

Днесь вельми хвалится царствующий град Москва,/ имея в себе праведныя твоя мощи,/ благоверне царевиче Димитрие,/ яко цвети благоуханнии,/ пребываеми во святем храме,/ просвещение подают душам и телом нашим./ Тем радостно тя восхваляем,/ и честное пренесение мощей твоих верно почитаем, и молим тя:/ моли Христа Бога// даровати нам велию милость.

Ин тропарь благоверного царевича Димитрия

глас 1

Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление.

Кондак благоверного царевича Димитрия

глас 8

Возсия днесь в славней памяти твоей верным веселие,/ яко бо доброрасленный грезн, прозябл еси/ и Христу красен плод принесл еси себе;/ темже и по убиении твоем соблюде тело твое нетленно,/ страдальчески обагреное кровию./ Благородие святе Димитрие,/ соблюдай отечество твое и град твой невредим,/ тому бо еси утверждение.

Кондак благоверного царевича Димитрия

глас 4

Яко пресветлая звезда,/ явился еси днесь в царствующем граде Москве,/ благоверне царевиче Димитрие,/ сияя праведными своими мощми./ К нимже притекающе, исцеления дар приемлем и глаголем:/ радуйся, всекрасне душею,/ благородне Димитрие,/ яко приял еси от Бога велий сей дар// и венец нетленный.

Ин тропарь благоверного царевича Димитрия

глас 2

Яко благочестиваго корене Боголюбивый произыде плод,/ яко агня незлобиво, неповинно во младенстве заклан бысть/ от властолюбца вкупе и злаго раба./ Тем, яко златыми крылы,/ душевною чистотою и младенческим незлобием/ к Небесней высоте возлетел еси, страстотерпче Димитрие./ И ныне,кровь твоя от земли тайно вопиет к Богу,/ яко Авеля праведнаго./ Сего ради покланяемся верою ти,/ славяще прославльшаго тя Бога,/ Егоже моли стране нашей богоугодней быти/ и сыновом русским спастися.

Ин тропарь благоверного царевича Димитрия

глас 1

Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление.

Молитва благоверному царевичу Димитрию

О преславный и дивный в чудесех, красото мучеников, страстотерпче царевичу княже Димитрие! Скоро предстани Небесному Царю и мученическия твои руце о нас, грешных, молебне к Нему простри, яко имеяй дерзновение велико; сохрани же твоими молитвами град сей, и вся грады и веси православныя, и Святейшаго Патриарха (имя рек) и преосвященныя митрополиты, архиепископы, епископы и весь священный чин церковный, и в палате братию нашу, и вся православныя христианы; всех нас приими во твое заступление, и от всех бед и зол избавляя, и от нашествия видимых и невидимых борющих нас врагов свобождая, и тех всяк навет и злохитрство погубляя и отгоняя; таже прегрешений наших прощение испроси, и в век будущий Небеснаго Царствия нас сподоби, и спасенных Богу представи, благодатию и человеколюбием Господа и Спаса нашего Иисуса Христа, Емуже честь и поклонение подобает, ныне, и присно, и во веки веков. Аминь.

КАНОН СВЯТОМУ БЛАГОВЕРНОМУ ЦАРЕВИЧУ ДИМИТРИЮ УГЛИЧСКОМУ

глас 2

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь славно бо прославися.
Припев: Святый благоверный княже-мучениче Димитрие, моли Бога о нас.
Мученика Твоего, Христе, Димитрия, пети мне желающему, молитвами его, яко Благ, осияние Пресвятаго Духа даруй, да воспою светло Твоего угодника торжество.
Святый благоверный княже-мучениче Димитрие, моли Бога о нас.
Умертвившему крепость смерти подобяся, мучениче Димитрие, от раба заколение претерпел еси и, преславно в Небесныя обители вселився, трудов воздаяние приял еси, прехвальне.
Слава: Честная твоя память, мучениче, освящающи мир, приспе. Радуется же днесь преславный град Москва, твоего благаго получив заступления, и, благодаря, Спасу вопиет: препрославленный Господь, яко прославися.
И ныне: О Тебе ныне пророчество совершися, Богородительнице Владычице Чистая, Егоже бо провозвестиша высокогласно вси пророцы, Того, Невместимаго, преславно во чреве вместила еси, во двою естеству совершенна Бога же и Человека.

Песнь 3

Ирмос: Процвете есть пустыня, яко крин, Господи, языческая неплодящая, Церковь Пришествием Твоим, в нейже утвердися мое сердце.
Святый благоверный княже-мучениче Димитрие, моли Бога о нас.
Егда оставль земнаго мира темность, страдальчески же обагрено кровию тело твое скрыв на Углече, душу в Небесныя Обители, Димитрие, вселил еси, прехвальне.
Святый благоверный княже-мучениче Димитрие, моли Бога о нас.
Нощи и тьмы сынове нарекошася убийцы беззаконнии: яко агнца бо тя непорочна, ножем сбодоша, ходатаи твоему венцу Божественному, Димитрие, бывше.
Слава: Исцеления струи источаеши ко гробу твоему, мучениче Димитрие, верою притекающим, благодарно же радование подаеши поющим: несть свят, яко же Бог наш.
И ныне: Марие, златая кадильнице, страстей моих отжени смрад и утверди мя, колеблема прираженьми лукаваго ратоборца.

Господи, помилуй (трижды).

Седален, глас 4-й

Наста, празднолюбцы, светлое торжество, память славная страстоносца Христова, веселящи всяческая, сияющи в мире зарями чудес. Темже непрестанную благодать твоими молитвами у Христа испроси, мучениче Димитрие, душам нашим и велию милость.
Слава: Яко от младенства лишен еси земнаго царства, благородне Димитрие, и в того место в Небесное преселився, тамо сподобился еси Небесная благая видети, и ныне ясно зриши Святую Троицу и молишися о державе твоих сродников и за вся верныя люди, во еже бы им получити вся благая и полезная.
И ныне: Дево Всенепорочная, яже пресущнаго Бога рождшая, с мучеником Того непрестанно моли оставление прегрешений и исправление жития дати нам прежде конца, верою и любовию поющим Тя по долгу, Едина Всепетая.

Песнь 4

Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.
Святый благоверный княже-мучениче Димитрие, моли Бога о нас.
Кровию страдания тленнаго смрада избежав, Богомудре, вместо земнаго Небеснаго Царствия наследник был еси, страстотерпче, тем вси, чтуще, тя ублажаем.
Святый благоверный княже-мучениче Димитрие, моли Бога о нас.
Ангельскаго селения во дворех пребываеши и в Российстей земли благодать источаеши к раце мощей твоих любовию припадающим, страдальче, и вопиющим: слава силе Твоей, Господи.
Слава: Двери Небесныя светло отверзошася, приемше тя, мучениче, и Церковь тя ныне имеет, ликовствующи со избранными, поющи Богу: силе Твоей слава, Человеколюбче.
И ныне: Священнии провозвестиша древле гласи чревоношения Твоего глубину, ихже сбытие видяще, Чистая, поем: силе Твоей слава, Владычице.

Песнь 5

Ирмос: Ходатай Богу и человеком был еси, Христе Боже: Тобою бо, Владыко, к Светоначальнику, Отцу Твоему, от нощи неведения приведение имамы.
Святый благоверный княже-мучениче Димитрие, моли Бога о нас.
Мучениче Димитрие, яко звезда пресветлая, в Российстей земли возсиял еси, Церковь Христову светом Богоразумия озарив, тьму же от нея отгнав неведения, просветил еси ту преславных чудес явлением.
Святый благоверный княже-мучениче Димитрие, моли Бога о нас.
Имея к Богу дерзновение, Божественное твое торжество, мучениче, творящия и честное твое страдание верою чистою хвалящия поминай, преблаженне, и от бури, и бед, и напастей спасай.
Слава: Ты, яко крин благоцветущ, течением крове твоея показался еси, блаженне, и, грозд мысленный винограда Христова, благовонием чудес мир облагоухал еси, верою тя, мучениче, славящия.
И ныне: Ново яко Младенца нам Превечное Слово родила еси, двема волема и действы суща сугуба, яко Человека купно же и Бога, Всенепорочная.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Святый благоверный княже-мучениче Димитрие, моли Бога о нас.
Разжегся завистию, раб убийца победися властолюбием и к зависти убийство приплете: закла тя, яко агнца непорочна, мучениче, отмщения же праведнаго не убежа.
Святый благоверный княже-мучениче Димитрие, моли Бога о нас.
Истинную чашу от твоих кровей страдальческих почерпл еси, прехвальне мучениче, и сию всегда предлагаеши Церкви, и питаеши твоими чудесы, Димитрие, вопиющия Христу: от тли, Боже, избави нас.
Слава: Яко пречестна жертва, тайней трапезе принесен быв заколением, мучениче, в Небесных Обителех преславно водворяешися, зря славу Божию и приемля болезней твоих почести и страдания.
И ныне: На Тя сошедши роса Небесная и оляденевшую землю, Приснодево, Богоразумия водами напоивши, многоплодну яви.

Господи, помилуй (трижды). Слава, и ныне:

Кондак, глас 8-й

Возсия днесь в славней памяти твоей верным веселие, яко бо доброрасленный грозд, прозябл еси и Христу красен плод принесл еси себе; темже и по убиении твоем соблюде тело твое нетленно, страдальчески обагреное кровию. Благородне святе Димитрие, соблюдай отечество твое и град твой невредим, тому бо еси утверждение.

Икос

Яко агнец непорочен, кровь твою излиял еси, богомудре Димитрие, и от Благодателя всех Бога чудес дар приял еси, и вместо тленнаго обрел еси богатство нетленное, предстоиши бо престолу славы всех Царя. Емуже о нас, мучениче, молися, да твоими молитвами от бед свободившеся, радостно возопием, глаголюще: радуйся, верных правителю. Радуйся, веры твердое забрало. Радуйся, чудо чудес преславное и пристанище тихое притекающих к тебе. Радуйся, кореню веры и молебниче о молящих ти ся. Радуйся, отечеству твоему похвала и воинству нашему на враги поборник. Сохраняй град твой невредим, тому бо еси утверждение.

Песнь 7

Ирмос: Богопротивное веление беззаконнующаго мучителя высок пламень вознесло есть, Христос же простре Богочестивым отроком росу духовную, Сый благословен и препрославлен.
Святый благоверный княже-мучениче Димитрие, моли Бога о нас.
Соблазн лукаваго раба и того хитростей превыше, яко победитель изряден, мучениче, быв, прославился еси, зовый: Боже, благословен еси.
Святый благоверный княже-мучениче Димитрие, моли Бога о нас.
Лучами, яко звезда, Соборную Церковь чудесы просветил еси, верою же притекающим к раце мощей твоих исцеление неоскудно подаеши, преблаженне, и зовущим: Боже, благословен еси.
Слава: Аки агнец непорочен и кадило благоприятно, Агнцу истинному и Пастырю, мучениче, принеслся еси в приношение всебогатно и приятно всесожжение, Емуже поем: благословен Бог отец наших.
И ныне: Невещественнаго Света вселение Твое чрево бысть, светлостьми Божественнаго разума безбожие отгнавшаго, Пречистая Богоневесто Отроковице. Емуже поем, взывающе: благословен Бог отец наших.

Песнь 8

Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.
Святый благоверный княже-мучениче Димитрие, моли Бога о нас.
Вшед, мучениче, в небеснаго круга течения, на добродетельный воздух, страданьми препоясан, Крест за скипетр в десную руку имея, сцарствовати Христу сподобился еси, Димитрие царевиче. Моли спастися нам, поющим: благословите, вся дела Господня, Господа.
Святый благоверный княже-мучениче Димитрие, моли Бога о нас.
Украшен разумом, красному Владыце предстоиши, светел присно, яко победоносец Богоприятен, укроти молитвами твоими варварская нахождения и низложи мучащее нас искушение, согнетающее злом во глубину погибели, страстотерпче Димитрие, поющих: благословите, вся дела Господня, Господа.
Слава: Пречестная твоя память, освящающи мир, приспе, всехвальне страстоносче, в нюже молимся получити тобою заступление, Димитрие, поющим славу благаго угодника: благословите, вся дела Господня, Господа.
И ныне: Священных пророк честный лик Тя прописует, кивот и несекомую гору, жезл и дверь, еюже, яко весть, пройде Вышний и паки затворену остави Тя Деву.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.
Святый благоверный княже-мучениче Димитрие, моли Бога о нас.
Обрел еси от Христа возмездие, мудре мучениче, правды венец приим и радость некончаемую, и, Небеснаго селения во дворех пребывая, державу отечества твоего поминай, мучениче Димитрие.
Святый благоверный княже-мучениче Димитрие, моли Бога о нас.
Егда принесени быша честныя твоя мощи, страстотерпче Димитрие, тогда святители, обстояще одр, царь же, и князи, и вси российстии народи воскликнуша купно память вечную, Христа величающе.
Слава: Мученик днесь сословие, святых и праведных души, яко победоносца тя и сликовника прияша, мучениче Димитрие, с нимиже радуяся, поеши Бога в Троице, спасающаго души наша.
И ныне: Разумевше издалеча прозорливыма очима, пророцы Тя яве провозвестиша, хотящую Матерь быти Вседетелю и всех Владыце. Тем Тя поем, Всепетая Богородице, и исповедуем, яко воистинну сущую Богородицу.

АКАФИСТ СВЯТОМУ БЛАГОВЕРНОМУ ЦАРЕВИЧУ ДИМИТРИЮ УГЛИЧСКОМУ

Кондак 1

Избранному страстотерпцу и предивному чудотворцу, града Углича небесному покровителю, славному благоверному князю царевичу Димитрию составим похвалы, правы ради, яко Авель, от врага пострадавшему, предивному удобрению земли Российския. Ты же, яко имеяй дерзновение ко Господу, от всяких нас бед свободи, да зовем ти: Радуйся, святый страстотерпче княже царевичу Димитрие.

Икос 1

Ангелов и человеков Творец и Господь яви душу твою непорочну и нрав ангельский от святыя купели Крещения твоего, страстотерпче княже царевичу Димитрие; избегал еси обычных света сего сует и соблазнов, чужд был еси претыканий и падений, чистым сердцем моляся ко Единому Всеблагому Богу, милостивно взирающему на кротких и смиренных. Сего ради тя чтим, яко молитвенника тепла и чудотворца изрядна, и к честней твоей иконе припадающе, умильно тебе зовем: Радуйся, града Москвы прозябение Святое. Радуйся, рода царскаго благая отрасле. Радуйся, от отца, благодати тезоименита, и матери, госпожи нареченныя, рожденный. Радуйся, твоего Ангела — Хранителя непрестанное увеселение. Радуйся, Углича града нерушимое утверждение. Радуйся, отроком похвало и славо. Радуйся, невинностию и чистотою убеленный. Радуйся, честною твоею кровию обагренный. Радуйся, Церкве Христовы лучезарный светильниче. Радуйся, всех спасаемых кроткий наставниче. Радуйся, святый страстотерпче княже царевичу Димитрие.

Кондак 2

Видя Господь Бог чистую твою душу, восхоте быти тебе освященному сосуду Духа Святаго, всельшагося в непорочное сердце твое и воздыхании неизглаголанными научившего тя благоприятно пети Пресвятей Троице: Аллилуиа.

Икос 2

Разум имуще помраченный злобою, врази твои, царевичу Димитрие, не терпяще тя зрети во граде Москве, отослаша тя с материю твоею во град Углич. Мы же тя сретаем пением таковым: Радуйся, неповинный изгнанниче. Радуйся, царствия небеснаго наследниче. Радуйся, в юности твоей креста своего усердный носителю. Радуйся, иго Христово и бремя Его благодушно подъемый. Радуйся, в страдании твоем доблесть чудную явивый. Радуйся, язвы Господа Иисуса Христа на теле твоем носивый. Радуйся, града Углича и всея страны нашея крепкое защищение. Радуйся, святыя Православныя Церкве светлая похвало и утверждение. Радуйся, святый страстотерпче княже царевичу Димитрие.

Кондак 3

Сила Вышняго воистину тя храняше, святе Димитрие, егда врази твои ядом тя убити хотяху; ты же, аще и смертное испил еси, обаче без вреда пребыл еси, всехвальне, чистыми усты твоими поя спасшему тя Богу: Аллилуиа.

Икос 3

Имея от юности твоея чистоту сердца, чужд был еси мирския утехи отроков; сего ради Промыслитель Бог, призираяй всевидящим оком на всю тварь, исполни душу твою благодати. Прославляя убо Его благое о тебе промышление, усердно к тебе взываем: Радуйся, смиреннаго и благодатнаго отрочества Христова подражателю. Радуйся, благодати Божия достойное хранилище. Радуйся, сверстником твоим примере благонравия. Радуйся, искуса мирских сластей не приёмый. Радуйся, благодатное отроча, дух страха Божия стяжавшее. Радуйся, житейских зол непричастный. Радуйся, за лишение земное райским наслаждением утешенный. Радуйся, за нужды врeменныя — изобилия благ вечныя нескончаемыя радости сподобивыйся. Радуйся, святый страстотерпче княже царевичу Димитрие.

Кондак 4

Бурям житейских скорбей утоления ищущи, благоверная Мария, мати твоя, Царевичу Димитрие, с воплем крепким моляшеся и ко Господу взываше: «изми нас, Господи, от человеков лукавых и от мужей неправедных избави нас». Темже в скорби сердца своего излиха вопияла есть к Богу: Аллилуиа.

Икос 4

Слышаще и видяще людие града Углича равноангельное житие твое, благоверне царевичу Димитрие, зело почитаху тя, яко Божия избранника, и попремногу тя чествоваху пением таковым: Радуйся, княже наш вожделенный. Радуйся, во благоверии нам утверждение. Радуйся, яко Христа в невинней души твоей вселил еси. Радуйся, лучами Святаго Духа озаренный. Радуйся, милосердия Христова подражателю. Радуйся, вдов и сирот прибежище и питателю. nРадуйся, младенцем и отроком нашим небесный покровителю. Радуйся, и всем чтущим тя усердный к Богу молитвенниче. Радуйся, святый страстотерпче княже царевичу Димитрие.

Кондак 5

Боготечной звезде, украшающей небо церковное, уподобити тя дерзаем, страстотерпче княже Димитрие, нам, блудящим во тьме нечестия и беззакония, путь спасения указующей и на стези правды и благочестия люди Божия наставляющей, усердно Господу, Зиждителю всяческих, немолчно взывающих: Аллилуиа.

Икос 5

Видим тя, благоверне царевичу Димитрие, подобника тезоименитому ти великомученику Димитрию Солунскому: якоже он копиями избоден бяше, тако и ты от твоих рабов, яко агнец непорочен ножем заклан был еси. Мы же, со страхом поминающе мученическую кончину твою, к тебе взываем сице: Радуйся, неповинный страдальче. Радуйся, жертво беззаконнаго властолюбия. Радуйся, царскую диадиму кровию твоею обагривый. Радуйся, яко крест в руку вместо скиптра приял еси. Радуйся, яко вместо земнаго царства, Небесное Царство восприял еси. Радуйся, яко осмолетним возрастом, яко клас незрел, пожался еси. Радуйся, кровию твоею землю Угличскую освятивый. Радуйся, яко с мученики и со всеми святыми присно торжествуеши. Радуйся, святый страстотерпче княже царевичу Димитрие.

Кондак 6

Проповедник неповиннаго твоего убиения явися гроб твой, страстотерпче княже Димитрие, иже пятьнадесять лет храняше нетленным тело твое; темже и до днесь благовернии людие, припадающе к раце многоцелебных мощей твоих, благодарно поют Богу: Аллилуиа.

Икос 6

Возсия яко солнце память твоя, страстотерпче царевичу Димитрие, и течет слава, яко река в Российстей земли, поведающи, яко не по мнозе времене настоящее житие виде и осмолетним возрастом лютую, неповинную смерть приял еси; яко агнец незлобив, ничим же противился еси рабу твоему и убийце. Сего ради мы со умилением тебе взываем сице: Радуйся, неповинное заклание претерпевый. Радуйся, яко кровь твоя, якоже Авелева, вопиет от земли ко Христу Богу. Радуйся, бисере драгоценный, в небесной сокровищнице Христове сохраненный. Радуйся, диадиму княжения земнаго с венцем мученическим сочетавший. Радуйся, исцелений благодатный источниче. Радуйся, дарований великих вместилище. Радуйся, яко тобою дивен Бог во Святых своих является. Радуйся, яко тобою благочестно имя Христово прославляется. Радуйся, святый страстотерпче княже царевичу Димитрие.

Кондак 7

Хотяй Господь спасти землю Русскую, егда лютое колебание бысть в земли нашей по смерти твоей, благоверне царевичу Димитрие, от оных злых и наветных человек, лжущих именем твоим; твоим же заступлением и молитвами Бог тех погуби и лютое колебание от них укроти. Мы же хвалебно о сем ко Господу взываем: Аллилуиа.

Икос 7

Новый явися враг в Российстей земли по смерти твоей, страстотерпче царевичу Димитрие, иже прежде носяй на себе образ иноческий, послежде сверже его с себе, и возложи на ся тезоименитство твое, и бысть царь; Бог же, молитв ради твоих, до конца сего погуби. Людие же Российския, от злых избавльшеся, благодарно к тебе взываху: Радуйся, земли Российския неусыпный заступниче. Радуйся, о спасении ея теплый молитвенниче. Радуйся, отрадо наша и в скорбех утешение. Радуйся, согрешающих исправление и недугующих исцеление. Радуйся, благовременная наша в напастех помоще. Радуйся, предваряяй прошения призывающих тя в бедах. Радуйся, гражданине Иерусалима Небеснаго. Радуйся, царства Христова наследниче. Радуйся, святый страстотерпче княже царевичу Димитрие.

Кондак 8

Странное мирови житие твое видяще, устранимся и мы того сует, и ум на небеса преложше, возопиим к тебе: о страстотерпче царевичу Димитрие! Утоли болезни и источи благодатная врачевания всем, усердно к помощи твоей притекающим и вопиющим выну к Богу: Аллилуиа.

Икос 8

Всеми вышними и нижними владычествуяй Господь, яви тя, страстотерпче царевичу Димитрие, приснаго нам помощника и от враг видимых и невидимых крепкаго защитника, научающаго нас подражати тебе в чистоте и незлобии, да направиши сердца наша ко смирению, покаянию и неослабному исполнению заповедей Христовых. Мы же взываем ти сице: Радуйся, грешных ко исправлению приведение. Радуйся, миро врачебное недугов многоразличных. Радуйся, хранителю наш крепкий и неусыпный. Радуйся, не токмо телесных, но и душевных болезней изрядный целителю. Радуйся, в честных твоих иконах и мощами с нами пребываяй. Радуйся, исполнивый на себе слово Божие: хранит Господь вся кости их. Радуйся, Небеснаго Сиона жителю. Радуйся, нерукотворенных скиний райских обитателю. Радуйся, святый страстотерпче княже царевичу Димитрие.

Кондак 9

Все естество ангельское возрадовася, видяще тя, страстотерпче царевичу Димитрие: аще и яко клас незрел пожался еси, но святою твоею душею невредим пребыл еси, и ныне с лики ангельскими в небесных селениих пребываеши, радуяся, и с ними немолчно Святей Троице поеши: Аллилуиа.

Икос 9

Ветия многовещанныя не возмогут по достоянию восхвалити милости и вся чудеса твоя, царевичу Димитрие, имиже отцем нашим вспомоществовал еси; не отрини и нас, чад их, стопами их к тебе шествующих и молебне к тебе взывающих: Радуйся, милостивый утешителю в бедах нам сущим. Радуйся, безпомощных спасительное призрение. Радуйся, болящих младенцев безмездный целебниче. Радуйся, нищих и убогих скорое услышание. Радуйся, токи чудес миру являяй. Радуйся, слепцем зрение возвращаяй. Радуйся, девственных ликов славо и похвало. Радуйся, земных упование и небесных славо. Радуйся, святый страстотерпче княже царевичу Димитрие.

Кондак 10

Спастися нам хотящим добр вождь ко спасению явился еси, страстотерпче царевичу Димитрие; сего ради со усердным молением к чудотворному твоему образу притекаем, твоею всесильною о Господе помощию, яко необоримою стеною, ограждаемся, усердно взывающе ко Спасу Христу: Аллилуиа.

Икос 10

Стена и заступление земли Российския явился еси, страстотерпче Христов царевичу Димитрие, яко твоими молитвами Господь Бог посла на раба твоего и убийцу — некоего врага и отметника правыя веры, нарекшагося тезоименитством твоим, да свержет убийцу твоего с престола царска, еже и бысть. Сего ради тебе припадающе зовем: Радуйся, в бедах и напастех скорый наш помощниче. Радуйся, верных ограждение и священное прибежище. Радуйся, ревнующих о спасении души крепкий помощниче. Радуйся, предстательство бедствующим нам в море житейском. Радуйся, послушателю тебе молящихся. Радуйся, подателю милости тоя требующим. Радуйся, нетлением мощей твоих в истине воскресения мертвых нас уверяяй. Радуйся, образ безсмертия в смертном телеси показуяй. Радуйся, святый страстотерпче княже царевичу Димитрие.

Кондак 11

Пения и песни духовныя совершаху людие в пренесении честных и многоцелебных мощей твоих, царевичу Димитрие, из богоспасаемаго града Углича в царствующий град Москву, егоже память святая Церковь и до днесь совершает, со всеми верными чады своими взывающи ко Господу: Аллилуиа.

Икос 11

Светозарнаго светильника пред Престолом Божиим стоящаго, очами веры зрим тя, царевичу Димитрие. Темже со умилением припадающе ко изображению лица твоего, благодарственно к тебе взываем: Радуйся, града Углича небесный покровителю. Радуйся, всем чтущим память твою небесных благ ходатаю. Радуйся, прекрасный крине, верных сердца услаждаяй. Радуйся, непорочнаго младенчества и отрочества изрядная похвало. Радуйся, целомудрия и воздержания юных верный наставниче. Радуйся, ведущим брань противу мира, плоти и диавола добрый споспешниче. Радуйся, нам, бедствующим, на помощь ускоряяй. Радуйся, от жития отходящим заступление твое многомощное являяй. Радуйся, святый страстотерпче княже царевичу Димитрие.

Кондак 12

Благодать Божественную и благовременную помощь испроси нам, угодниче Божий, страстотерпче царевичу Димитрие, во дни безпомощия нашего, и буди нам в напастех утешитель, в бедах заступник, в недузех врач, туне подаваяй нам дары целебныя от святых мощей твоих, к ним же усердно припадающе, взываем чудес Творцу Богу: Аллилуиа.

Икос 12

Поюще твоя чудеса, страстотерпче Христов, царевичу Димитрие, ублажаем мученическую кончину твою, восхваляем ходатайство и сильное заступление твое о всех, требующих помощи твоея, пред святою иконою твоею с верою и любовию тебе покланяющихся и к тебе молебно взывающих: Радуйся, у Престола Святыя Троицы усердный наш ходатаю. Радуйся, к Пречистей Деве Богородице немолчный наш молебниче. Радуйся, собеседниче и сликовниче святых Ангелов. Радуйся, святых мучеников равностоятелю и совсельниче. Радуйся, яко в храмех, во имя твое созданных, невидимо пребываеши. Радуйся, яко молящихся в них людей молитвы во благо исполняеши. Радуйся, градов Москвы и Углича недвижимое утверждение. Радуйся, всея страны Российския благонадежное от всех бед заступление. Радуйся, святый страстотерпче княже царевичу Димитрие.

Кондак 13

О святый страстотерпче благоверный княже царевичу Димитрие! Приими сие малое моление нас, пред святою иконою твоею с верою и любовию тебе покланяющихся, и теплыя молитвы о нас ко Господу вознеси, и от бед и скорбей нас свободи, вопиющих Ему выну: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва благоверному царевичу Димитрию Угличскому

О преславный и дивный в чудесех, красото мучеников, страстотерпче княже царевичу Димитрие! Скоро предстани Небесному Царю и мученическия твоя руце о нас, грешных, молебне к Нему простри, яко имеяй дерзновение велие. Сохрани же твоими молитвами град сей и вся грады и веси православныя, и святейшия патриархи и преосвященныя митрополиты, архиепископы и епископы, и весь священный чин церковный, и вся православныя христианы; всех нас приими в твое заступление, от всех бед и зол избавляя и от нашествия видимых и невидимых, борющих нас врагов, свобождая, и тех всяк навет и злохитрство погубляя и отгоняя; таже прегрешений наших прощение испроси и в век будущий небеснаго царствия нас сподоби и спасенных Богу представи, благодатию и человеколюбием Господа и Спаса нашего Иисуса Христа, Ему же честь и поклонение подобает, ныне и присно и во веки веков. Аминь.

Молитва иная

О святый мучениче, благоверный царевичу и княже Димитрие! Яко агнец незлобив от раба заколенный, венцем царским от Господа венчался еси, и сын царев быв, мученик непобедим явился еси, и вместо земных и тленных на небеси нетленная восприял еси. И ныне предстоя в радости Святей Троице, посещай творящих верно твою светоносную память: соблюдай отечествие твое и град твой невредим, тому бо еси утверждение; утверди православных жительство в мире глубоце: междоусобную брань укроти, и вся полезная даруй всегда людем молитвами твоими, да верою и любовию вопием ти: радуйся, святе Димитрие, верных людей теплый заступниче и прибежище и земли Российския украшение. Аминь.

Молитва третья

О великий и милостивый страстотерпче, царевичу княже Димитрие! Услыши нас, грешных, моление со усердием тебе приносящих, и помози нам в жизни сей, от грехов и скорбей избавляя, и в будущем веце буди помощник и заступник, от мучений адовых свобождая и сподобляя купно с тобою покланятися и воспевати Всесвятую Троицу, Отца и Сына и Святаго Духа, ныне и присно и во веки веков. Аминь.

 

Источник: azbyka.ru

     

Подписаться на обновления сайта